Organismo que pode vivir tanto en presenza como en ausencia de osíxeno molecular. No primeiro caso, o metabolismo respiratorio permítelle obter enerxía da degradación de compoñentes orgánicos por oxidación; mentres que en ausencia de osíxeno molecular desenvolve un metabolismo fermentativo polo que obtén enerxía.

Pertencen a este grupo as bacterias anaerobias facultativas e fungos como os do xénero Trichoderma, que son utilizados xeralmente no control de organismos patóxenos do solo.