Masa total de microorganismos nun volume ou masa de solo determinado.

Normalmente estímase a partir do carbono asociado ao compoñente vivo microbiolóxico, que constitúe o denominado carbono microbiano e represéntase por C_mic.

A biomasa microbiana componse principalmente de bacterias e fungos (tamén arqueas), que descompoñen os residuos vexetais e a materia orgánica do solo. Este proceso libera nutrientes ao solo, que pasan a estar dispoñibles para a absorción das plantas. Aproximadamente a metade da biomasa microbiana atópase nos primeiros 10 cm do solo e, xeralmente, até o 5 % do carbono orgánico total e do nitróxeno do solo atópase na biomasa microbiana.