Cantidade de auga, dθ, que se debe engadir ou extraer dunha mostra de solo non saturada de auga para que o seu potencial matricial, ψ_m, aumente ou diminúa, respectivamente, nunha unidade, é dicir, o cambio na cantidade de auga por unidade de potencial matricial. Exprésase como c_θ = c(θ) = – dθ/dψ_m, onde θ é o contido de auga e ψ_m é o potencial matricial. Corresponde á pendente da curva característica de humidade do solo para un valor determinado do contido de auga, θ. A súa ecuación de dimensións é [L³L^-3L^-1] = [L^-1]. En condicións de saturación, a capacidade diferencial de auga é cero, xa que un cambio pequeno no potencial matricial non causa ningún cambio na fracción de volume de auga.