Proceso de biorremediación que se basea na utilización de cianobacterias (autóctonas, mutantes ou melloradas xeneticamente) para diminuír ou eliminar contaminantes en hábitats acuáticos e terrestres.

As principais especies de cianobacterias utilizadas pertencen aos xéneros: Anabena, Nostoc, Phormidium, Aphanocapsa, Oscillatoria, Lgngbya, Spirulina, Aulosira, Anasystis, que demostraron ser bos axentes biorremediadores na: 1) biorremediación fronte a efluentes ricos en nitratos e fosfatos; 2) acumulación de metais ao formar sideróforos que poden ser responsables da absorción de ións metálicos; 3) metabolización de compostos orgánicos; 4) aceleración dos procesos de transformación e degradación de certos hidrocarburos aromáticos policíclicos, e organofosforados na auga.

Por exemplo, Synechocysis sp. PCC6803 acumula arsénico de forma eficiente de medios acuáticos; Cladophora fascicularis actúa de biosorbente de chumbo de augas residuais; Hydrodictylon, Oedogonium e Rhizoclonium absorben metais de augas contaminadas con metais pesados procedentes da xeración de enerxía con carbón.