Circuíto que recorre un elemento ou composto químico a través de compartimentos bióticos (biosfera) e abióticos (atmosfera, litosfera, edafosfera e hidrosfera) da Terra até que regresa ao compartimento inicial, o que permite a súa reutilización.

Existen múltiples ciclos bioxeoquímicos, para os elementos carbono, nitróxeno, osíxeno, xofre, fósforo, selenio, calcio, hidróxeno, mercurio; para moléculas como a auga e a sílice; e para outros compostos químicos producidos polo home (bifenilos policlorados); así como ciclos de enerxía (a enerxía do sol que transforman os organismos autótrofos e a enerxía que proporcionan os autótrofos aos heterótrofos).