Asociación que resulta da interacción entre un ión metálico e un composto húmico (ligando) no solo por compartir electróns que cede o ligando. O comportamento do complexo depende da natureza do ligando, sobre todo da súa masa molecular. Pode ser soluble ou pseudosoluble se interveñen compostos orgánicos solubles e fortemente complexantes (ou quelantes), se a relación equivalente materia orgánica/metal é elevada e o pH é ácido, de modo que se favorecen as translocacións de certos elementos, tales como ferro e aluminio (por queluviación, p. ex.); ou ben pode ser insoluble, se os ligandos son compostos ácidos húmicos non solubles, de maneira que se favorece a formación de microagregados estables cos minerais de arxila.