Coeficiente de proporcionalidade, K_s, da lei de Darcy, que corresponde á velocidade do fluxo macroscópico de auga en réxime saturado por unidade de gradiente de potencial hidráulico. A súa ecuación de dimensións é: [LT ^-1]. Depende das características do solo e das do fluído e, para telo en conta, utilízase a permeabilidade intrínseca, κ, de maneira que K = κ ·f, sendo f a densidade do fluído, que é igual a 1 para fluídos cuxas propiedades non inflúen no fluxo. K_s = κρ_w× g/ η_w, sendo κ a permeabilidade intrínseca, ρ_w a densidade do fluído, e η_w a viscosidade dinámica. Pódese determinar en campo e en laboratorio.