Técnica de fitorremediación que consiste en provocar a interceptación mediante vexetación da auga do solo ou subterránea contaminada dentro dunha área coñecida de contaminación (penacho de contaminantes).

As árbores posúen características para actuar como bombas viventes para extraer auga do solo debido aos seus procesos fisiolóxicos. Por exemplo, os salgueiros (Salix L.), os chopos (Populus tremula L. e os Populus deltoides) extraen do solo polas raíces gran cantidade de auga, que potencialmente se perdería por percolación, aínda que a extracción polas raíces e a transpiración fan diminuír de forma significativa a transferencia da auga do solo a outro compartimento ambiental (p. ex., a capa freática) e con ela a migración de contaminantes.