Capa delgada de material que se expande pola superficie do solo con diversas finalidades e que pode estar constituído por palla, serradura, casca de piñeiro, residuos orgánicos, lámina de plástico ou outro material solto. Pode ter por obxectivo: protexer a superficie do solo do impacto directo das gotas de choiva; evitar que se forme selo e cotra superficial; diminuír o escoamento superficial e o risco de erosión; incidir, se se trata dun filme de plástico negro, sobre a temperatura da parte superior do solo, para que avance o xermolado en zonas con primaveras frías, así como evitar a proliferación de malas herbas; conservar a humidade ao diminuír a evaporación; ou mellorar o aspecto visual da zona axardinada.