Gráfica que representa a variación da velocidade de infiltración ao longo do tempo nun ensaio de infiltración. En condicións de saturación da superficie, a velocidade é moi rápida ao principio e diminúe rapidamente ata acadar un valor case constante, que corresponde á velocidade de infiltración básica (ou final). Este valor corresponde á condutividade hidráulica a saturación do solo. Nas abscisas represéntase o tempo [T] e nas ordenadas represéntase a velocidade de infiltración ou infiltrabilidade [L T^-1].