Expresión que relaciona a permeabilidade intrínseca dun medio poroso, a súa porosidade e a súa superficie específica. Exprésase como k = f³/c ×a²× (1 – f)², sendo f a porosidade, a a superficie específica de contacto co fluído e c un factor que depende da forma das partículas denominado constante de Kozeny-Carman cun valor de 0,2. Utilizouse en estudos do fluxo da auga no solo, se ben os seus resultados non resultan moi satisfactorios pola complexidade da xeometría dos poros do solo.