Expresión do fluxo non saturado de auga no solo que deriva da combinación das leis fundamentais da dinámica e da ecuación de continuidade. Para a súa resolución requírese que se definan as relacións entre as propiedades hidráulicas do solo: contido de humidade do solo, θ_v; potencial matricial, ψ_m; e condutividade hidráulica non saturada, K_s. A relación entre o contido volumétrico de auga e o potencial matricial vén definida pola curva característica de humidade. Son posibles diversas formulacións segundo como se expresen os termos que compoñen a ecuación.