Proceso fisicoquímico polo cal catións intercambiables ou da fase líquida pasan a formas menos solubles ou non intercambiables. Aínda que pode ter lugar con calquera catión, os máis afectados son o K⁺ e o NH₄⁺ ao entrar a ocupar espazos interlaminares dos minerais de arxila (micas, ilitas, esmectitas e vermiculitas). Dependendo das condicións, o K⁺ fixado pode ser liberado co que pasa a ser biodispoñible para as plantas, establecéndose un equilibrio entre o K⁺ fixado, o intercambiable e o da fase líquida.