Zona de contacto entre a rocha fresca subxacente e o material resultante da súa meteorización (saprolita). Este límite pode ser abrupto e ocupar poucos milímetros, como é frecuente no caso dos basaltos, ou difuso, como sucede moitas veces nos granitoides. Nesta zona, debido ás características dos produtos que se liberan na meteorización, pode haber unhas condicións fisicoquímicas (como o pH) moi diferentes ás do solo supraxacente.