Fragmentos de rocha dura, cuxo límite inferior de tamaño é 2 mm de diámetro aparente e cuxo límite superior varía dunhas clasificacións a outras. STIPA (1982) establece para a grava o intervalo de 0,2 a 2 cm; Wentworth distingue: grava grosa (64 a 256 mm), grava media (4 a 64 mm) e grava fina (2 a 4 mm); a FAO (2009) establece: grava fina (0,2-0,6 cm), grava media (0,6-2,0 cm) e grava grosa (2-6 cm). Ás veces xeneralízase e considérase o intervalo de 2 a 15 cm, mentres que como material de construción o límite superior establécese en 8 cm.