Medio no que se desenvolve o ciclo vital dun organismo edáfico e que lle proporciona espazo vital, nutrientes, osíxeno e auga.

Pódense distinguir: 1) organismos que habitan na capa de follada depositada na superficie e que non penetran no solo, como por exemplo moitas arañas; 2) organismos que ocupan os poros (macro ou microporos), fendas e galerías, polo que a estrutura do solo é un factor crítico, xunto co contido de auga; 3) organismos escavadores, que crean o seu propio sistema de galerías dentro do solo, tales como as miñocas, formigas, térmites, que removen e mesturan o material do solo (bioturbación); e toupeiras, coellos e outros mamíferos.