Segundo a clasificación de Raunkiaer, formas vexetais herbáceas perennes ou bienais, cuxas partes aéreas morren anualmente durante a estación desfavorable e as súas xemas invernantes (de estación seca ou desfavorable) quedan aproximadamente ao ras do solo protexidas pola follada ou a neve.

Distínguense catro subtipos: 1) protohemicriptófitossen follas basais en roseta, nin propágulos rastreiros, estolóns nin rizomas (Linaria, Medicago, entre outras); 2) hemicriptófitos propiamente ditos, con estolóns ou rizomas, tales como Urtica, Saponaria, entre outras; 3) plantas subarrosetadas, que teñen follas en roseta e caulinares, unhas con caules estoloníferos (Geum) e outras sen eles (Ranunculus replans); 4) plantas arrosetadas, con todas as follas en roseta basal, unhas sen propágulos (Taraxacum), e outras con eles (Hieracium).