Forma de humus moi similar a un mor, con horizontes OL e OF similares pero o horizonte OH difire en que ten menos de 1 cm de espesor, moi negro e de consistencia plástica. Cun complexo arxilo-húmico moi pouco desenvolvido ou ausente. Fórmase en medios temporalmente saturados de auga (capa freática flutuante). Os compostos orgánicos solubles que se acumulan no solo durante a fase de anaerobiose mobilízanse ao secarse o solo, co que poden dar lugar a procesos de podzolización ou ben poden ser biodegradados.