Suposicións introducidas por este autor para simplificar os métodos de cálculo referentes ao movemento da auga no solo: o réxime é permanente; as superficies equipotenciais son verticais (fluxo horizontal); a lei de Darcy resulta aplicable; a auga e o solo son incompresibles; a compoñente vertical da velocidade resulta desprezable respecto á da horizontal; a extracción provoca un radio de acción constante; e o medio é homoxéneo e isótropo. Resultan válidas para aquelas rexións nas que a pendente do nivel freático é pequena. A ecuación da parábola de Dupuit e o conoide de depresión de Dupuit obtéñense con estas hipóteses.