Bioelemento esencial para as plantas do que estas precisan cantidades importantes e que se encontra a concentracións superiores a 0,1 % na materia seca. Distínguense os macronutrientes primarios que son absorbidos en cantidades maiores das que hai no solo (N, P, K) dos macronutrientes secundarios dos que adoita haber suficiente cantidade no solo (S, Ca e Mg). O C, H, O e N constitúen a materia orgánica e representan un 90 % da materia seca. O N, S e P xunto con C, H e O son os constituíntes maioritarios das moléculas estruturais das plantas, mentres que K⁺, Ca²⁺ e Mg²⁺ desempeñan funcións relacionadas coa auga e coa conformación de proteínas, entre outras.