Proceso de formación de metano por parte dos seres vivos, xeralmente por arqueas.

A metanoxénese é un proceso anaerobio, xa que os metanóxenos non utilizan osíxeno para respirar (o osíxeno inhibe o seu crecemento). As arqueas metanóxenas poden producir metano por redución secuencial de dióxido de carbono ou a partir de substratos orgánicos de baixo peso molecular, como o ácido acético, o formiato, o metanol, a metilamina, o sulfuro de dimetilo e o metanotiol.

As dúas vías mellor descritas implican o uso de ácido acético ou dióxido de carbono como aceptadores de electróns terminais en cadeas respiratorias:
CO₂ + 4 H₂ ? CH₄ + 2 H₂O
CH₃COOH ? CH₄ + CO₂