Meteorización consistente na descomposición de rochas e minerais debido á capacidade disolvente da auga. Pode tratarse de auga pura ou de auga con dióxido de carbono (CO₂) ou con sales en disolución. Afecta ás rochas que conteñen minerais solubles en auga (o xeso, o sal xema, entre outros), o ben ás que se disolven en auga que contén CO₂ disolto (as calcarias, p. ex.). Os elementos solubles liberados pódense perder por lavado ou poden ser transportados en disolución e formar acumulacións secundarias en localizacións máis baixas da paisaxe, con mala drenaxe, especialmente en rexións de clima semiárido ou árido.