Método para determinar a densidade aparente dun agregado de solo previamente secado en estufa (á temperatura adecuada segundo a composición da mostra, p.ex. a menos de 50 °C en mostras con xeso), por inmersión do agregado nun recipiente graduado con mercurio. O volume de mercurio desprazado corresponde ao do agregado. A densidade aparente determínase como o cociente entre a masa do agregado e o seu volume. Esta medida non toma en consideración a porosidade entre os agregados e só se pode aplicar en solos de poros finos.