Método para determinar o contido de carbono orgánico do solo por medio da súa oxidación parcial cunha mestura ácida de dicromato de potasio (K₂Cr₂O₇) sen aporte de calor. É un método rápido e doado de aplicar, pero débese considerar un método semicuantitativo, xa que a porcentaxe de recuperación pode variar entre un 60 % e un 86 % segundo a clase de solo. Hai métodos alternativos que propoñen realizar a análise con aporte de calor, o que mellora a oxidación do carbono orgánico. Para calcular o contido de materia orgánica suponse que esta contén un 58 % de carbono orgánico, de modo que m. o. = c. o. · 1,72.