Procedemento directo para determinar o contido de auga dunha mostra de solo. Consiste en tomar unha mostra representativa, conservala nun recipiente non metálico de peche hermético, pesar en húmido, secar nun microondas (que quenta por medio de enerxía do propio microondas utilizando as propiedades dipolares da auga) e pesar unha vez seca. A mostra quéntase rapidamente e sécase axiña, polo que é un método sinxelo e de baixo custo. Non obstante, a mostra non se seca ata acadar un peso constante, senón durante un tempo que se considera suficiente para un secado aceptable.

Os solos cunha elevada porcentaxe de elementos grosos (material esquelético) requiren tomar mostras de gran tamaño. Ao requirir que se tome fisicamente a mostra, non permite medidas repetidas no mesmo lugar. Para converter o contido másico de auga a contido volumétrico de auga requírese determinar a densidade aparente do solo, o que pode resultar difícil nas mostras con pedregosidade elevada.