Procedemento directo para determinar o contido de auga dunha mostra de solo. Consiste en mesturar a mostra de solo con alcol que, ao ser queimado, desprende enerxía, o que provoca a evaporación da auga da mostra. A queima repítese sucesivas veces ata que o peso do solo seco permanece constante. Pódese utilizar metanol, etanol e propanol, xa que son alcois que arden mesmo con contidos de auga do 40 ao 45 %.

Pódese utilizar no campo, pero compre ter coidado para evitar o risco dun incendio. Ao requirir que se tome fisicamente a mostra, non permite medidas repetidas no mesmo lugar. Para converter o contido másico de auga a contido volumétrico de auga é preciso determinar a densidade aparente do solo.