Conxunto de taxons ou xenes microbianos que interactúan de forma ampla cunha planta.

O microbioma vexetal pode sobrevivir dentro ou fora dos tecidos vexetais, realizando diversas actividades beneficiosas para as plantas, incluído o control biolóxico de fitopatóxenos potenciais e a aceleración do crecemento das plantas.

Comprende: 1) microorganismos beneficiosos, que contribúen ao crecemento, desenvolvemento, resistencia ao estrés e saúde da planta ao producir fitohormonas e antibióticos, solubilizar fosfatos, desenvolver actividades de biocontrol contra a invasión de patóxenos e enfermidades e inducir resistencia sistémica da planta, entre outras funcións; 2) microorganismos neutros; 3) microorganismos patóxenos, que producen compostos fitotóxicos e provocan enfermidades nas plantas.