Organismo que obtén o carbono para o seu metabolismo biosintético a partir de moléculas orgánicas, mentres que a enerxía a obtén por oxidación de compostos inorgánicos (quimiolitoheterótrofos) ou de compostos orgánicos (quimiorganoheterótrofos). A oxidación destes compostos orgánicos (entre os que se inclúen a glicosa e outros azucres, os triglicéridos, aminoácidos, e outros) pódese realizar mediante metabolismo respiratorio ou fermentativo. Inclúen microorganismos tales como boa parte das bacterias do solo e tódolos fungos do solo, así como os protozoos.