Organismo (planta ou microorganismo) que pode vivir e reproducirse nun ecosistema cunhas condicións extremas, ao haber desenvolvido estratexias orixinais de tolerancia (estruturas e encimas específicos), que fan que se adapte aos estreses físicos ou fisicoquímicos aos que se enfronta.

Polo que se refire ao solo, trátase de organismos que viven en: 1) solos e marismas cunha elevada concentración de sales máis solubles que o xeso (halófilos); 2) solos hiperácidos, solos ácidos con sulfatos (acidófilos); 3) solos alcalinos con presenza de carbonato de sodio (alcalófilos); 4) solos de zonas moi frías (psicrófilos); 5) solos de desertos moi cálidos (termófilos).