Organismo cuxa nutrición se basea na heterotrofia.

Cabe diferenciar: 1) consumidores primarios ou herbívoros, que se alimentan de plantas vivas ou dos seus produtos; 2) consumidores secundarios, parasitos ou depredadores, que se alimentan dos herbívoros; 3) consumidores terciarios, que se alimentan dos anteriores.

Segundo o tipo de alimento pódense diferenciar: 1 ) heterótrofos herbívoros, que se alimentan de plantas vivas ou dos seus produtos; 2) heterótrofos carnívoros, que se alimentan doutros heterótrofos; 3) heterótrofos omnívoros, que consumen tanto autótrofos como heterótrofos; e 4) heterótrofos saprófitos, que obteñen a súa enerxía de materia orgánica morta ou dos detritos rexeitados por outros seres vivos.