Relación que expresa a variación da temperatura do solo en función da profundidade. Represéntase nun sistema de coordenadas ortogonal en cuxo eixe de ordenadas negativo se representan as profundidades ás que se realizaron as medidas de temperatura, cuxos valores se representan no eixe de abscisas. As temperaturas varían de forma continua en resposta aos cambios no réxime meteorolóxico, á sucesión de días e noites, e as estacións do ano. As súas características nun lugar e tempo determinados dependen da transferencia neta de calor entre a superficie do solo e o aire, e as propiedades térmicas do solo.