Equipo para medir a condutividade hidráulica dun solo no laboratorio en condicións de saturación. Mantéñense mostras inalteradas do solo saturadas de auga, ás que se aplica un fluxo constante de auga (xeralmente facendo circular a auga ao seu través por diferenza de altura de auga fóra e dentro do cilindro no que se encontra a mostra). A velocidade de fluxo da auga a través das mostras en condicións de equilibrio corresponde á permeabilidade ou condutividade hidráulica saturada.