Diferenza de potencial químico ou electroquímico entre dúas disolucións separadas por unha membrana semipermeable. Xérase cando hai unha diferenza de concentración a ambolos dous lados da membrana e desaparece ao igualarse as concentracións. Ten importancia en sistemas nos que hai membranas biolóxicas vivas, por exemplo, no transporte de ións dunha célula viva a outra e na absorción de nutrientes polas raíces das plantas. Calcúlase mediante a fórmula: ø_ο − ø_i = (RT/nF) ln(a_i/a_ο), onde ø é o potencial eléctrico ou electrostático, _i indica dentro, e _ο fora, R é a constante dos gases, T é a temperatura absoluta en kelvins n é a valencia, F F é a constante de Faraday, e a é a actividade.