Compoñente do potencial total da auga do solo debido á posición que ocupa e aos efectos de presión en solos saturados de auga, ou da matriz sólida en solos non saturados de auga. Expresa a dirección e magnitude das forzas que provocan o movemento da auga no solo. No caso en que o potencial hidráulico sexa o mesmo nos distintos puntos do solo, non haberá fluxo de auga, xa que a situación é de equilibrio; en caso contrario, o movemento da auga terá a dirección e sentido dos potenciais decrecentes (de zonas húmidas a zonas con menor contido de auga).

Ao non haber membranas semipermeables na fase líquida, o potencial osmótico non actuará como forza impulsora do movemento da auga, de maneira que o potencial hidráulico, ψ

_H, será a suma do potencial gravitacional, ψ_g, e do potencial de presión, ψ_p. Sendo ψ_H = ψ_g + ψ_p = ψ_g + ψ_a + ψ_m, onde ψ_a é o potencial pneumático e ψ_m é o potencial matricial. Exprésase en unidades de: enerxía/masa, J kg^-1; ou de enerxía/volume, N m^-2 = Pa (Pascal), utilizándose polo xeral un múltiplo (kPa = 1000 Pa).