Propiedade dun solo caracterizada por unha cantidade significativa de sales máis solubles que o xeso, que causan efectos desfavorables en plantas non tolerantes. Mídese por medio da condutividade eléctrica dun extracto de pasta saturada (CE_s), que en unidades do sistema internacional (SI) se expresa en dS m⁻¹ a 25 °C. De acordo co valor desta magnitude establecéronse cinco clases de solos: solo non salino (< 2 dS m⁻¹ a 25 °C), solo moi lixeiramente salino (2-4), solo lixeiramente salino (4-8), solo moderadamente salino (8-16) e solo fortemente salino ( > 16).