Magnitude que expresa a cantidade máxima de soluto que pode disolverse nun volume determinado de disolvente a unha temperatura dada para formar unha disolución saturada. Depende da temperatura, da presión, do pH e da presenza doutras substancias disoltas ou en suspensión. Xeralmente, aumenta coa temperatura, pero non ocorre así co dióxido de carbono (CO₂) disolto en auga ou co sulfato de sodio (Na₂SO₄). En unidades do sistema internacional (SI), se expresa polo xeral en número de moles por volume de disolución (mol L⁻¹) ou en masa de soluto por volume de disolución (g L⁻¹).