Temperatura que ten un solo nun momento determinado. É unha magnitude importante do solo que depende do balance de enerxía nas distintas partes do solo, polo que de maneira natural un solo pode ter diferentes temperaturas, tanto en profundidade nun momento dado (perfil de temperaturas ou perfil térmico do solo), como en diferentes momentos. A temperatura do solo é determinante en numerosos procesos químicos, físicos e biolóxicos (xerminación, crecemento das plantas e actividade dos microorganismos, meteorización, entre outros). Mídese con sensores de temperatura instalados a diferentes profundidades no solo.