Animal vertebrado, incluído na clase mamífero e orde Eulipotyphla. Forma parte da megafauna (máis de 10 cm de lonxitude); utiliza o solo como hábitat e lugar de alimentación.

As toupas escavan dous tipos básicos de túneles: pistas superficiais, pouco profundas, e túneles profundos e máis permanentes; ademais constrúen niños e cámaras de descanso.

Aliméntanse de invertebrados: miñocas, térmites, formigas, isópodos, cempés e larvas de insectos.

Na península Ibérica atópase a Talpa occidentalis e no terzo nororiental a Talpa europea. As galerías que escava supoñen un problema en prados, xardíns e campos de cultivo. O recheo das súas galerías con material procedente do horizonte superior pode dar lugar á formación de crotovinas.