Disacárido non redutor (azucre) constituído por dúas moléculas de D-α-glicosa unidas mediante un enlace 1,1, (α-D-glicopiranosil-(1,1)-α-D-glicopiranósido). O enlace α,α-1,1 une os dous extremos redutores da glicosa, o que anula o seu poder redutor.

É segregada por lévedos, fungos, algunhas plantas (en particular os musgos) e algúns invertebrados como fonte de enerxía e para sobrevivir temperaturas de conxelación ou deshidratación.

A produción de trehalosa por fungos ectomicorrícicos do solo pode actuar como quimioatraente de bacterias auxiliares das micorrizas (MHB, en. mycorrhiza helper bacteria).