Constituinte da MOS que é un dos principais axentes da neoformación dos compostos húmicos do solo a partir da formación de complexos organometálicos, moi estables, ou a partir de procesos de polimerización por oxidación biocatalizada. A maduración posterior destes compostos húmicos conduce á formación de moléculas de maior tamaño, maior peso molecular e maior estabilidade fronte á actividade microbiana. Tanto os compostos orixinais recalcitrantes (humina herdada), como os compostos húmicos neoformados e con alto grao de maduración (humina neoformada-estabilizada) constitúen a fracción máis estable do humus fronte á degradación.