Transformación de minerais por hidrólise ácida. No caso de minerais micáceos, inicialmente, pode ter lugar una perda de K⁺ pola apertura das láminas. Se se produce o colapso de parte das redes cristalinas, libérase aluminio, que se pode incorporar ás superficies activas das arxilas (aluminización das arxilas), ao complexo de intercambio, pode formar complexos coa materia orgánica, ou pasar á disolución do solo, onde pode reaccionar con outros solutos para formar outros minerais (caolinita, esmectita), ou ben precipitar como hidróxido alumínico ou cristalizar como gibbsita.