Produto agroquímico que se incorpora ao solo para mellorar as súas características e comportamento físico en relación co crecemento das plantas; principalmente para aumentar a estabilidade da estrutura, a infiltración ou a capacidade de retención de auga. Pode tratarse de polímeros orgánicos, tales como o krilium, entre outros. Cun sentido máis xenérico, calquera material (area, turba, compost estabilizado de residuos orgánicos, arxila, material sintético ou outro) que se engade ao solo co devandito fin.