Expresión que reflicte o conxunto de procesos metabólicos nos que participan os microorganismos do solo.

Algúns procesos (p. ex., respiración) son levados a cabo pola maioría de microorganismos, mentres que outros (p. ex., nitrificación, fixación biolóxica do nitróxeno) só poden ser realizados por un número restrinxido de especies microbianas. Frecuentemente confúndese a actividade microbiana coa actividade biolóxica, pero esta última é un concepto máis amplo, xa que inclúe a actividade de tódolos organismos do solo e non só dos microorganismos.