Composto orgánico, incoloro, sólido e cristalino, un dos monolignois compoñentes básicos da lignina. É o compoñente predominante nas ligninas das ximnospermas.

En etapas iniciais de lignificación, o alcohol coniferílico copolimerízase con pequenas cantidades de alcohol p-cumarílico na parede primaria para formar ligninas G e H, e durante o desenvolvemento da parede celular secundaria increméntase o contido de alcohol sinapílico que se copolimeriza co alcohol coniferílico para formar lignina S e G. En consecuencia, os tres alcohois son precursores da lignina e, por tanto, da parede celular.