Animal que constrúe galerías, tobos e outros tipos de ocos no solo, que poden ser máis ou menos permanentes. Por exemplo, a toupeira, o coello, a miñoca, entre outros.

As estruturas creadas melloran a aireación do solo, a penetración das raíces e o movemento da auga no solo; interveñen nos ciclos bioxeoquímicos dos nutrientes e contribúen a mellorar a calidade do solo. Non obstante, algúns, como os coellos, poden causar procesos de erosión en túnel e, ao colapsar o túnel, pode orixinarse un tipo de cárcava.