Proceso que consiste no movemento de material do solo dentro do propio solo debido aos efectos de inchamento-contracción (expansión-retracción) de minerais de arxila inchables (expansibles) (grupo das esmectitas) en solos arxilosos. Pódese identificar pola presenza de gretas profundas, caras de esvaramento (slickensides) e, en solos non cultivados, por un microrrelevo caracterizado pola presenza de microdepresións subcirculares (gilgai). Dá lugar á mestura e homoxeneización de horizontes.