Especialidade da Ciencia do solo que estuda os organismos do solo e a súa interacción co medio ambiente.

O estudo da bioloxía do solo ten múltiples aplicacións, entre elas: 1) comprender os procesos de formación do solo, como pode ser a meteorización bioxeoquímica, con intervención de liques; a formación de agregados e a estrutura edáfica; a transferencia de elementos e a diferenciación de horizontes; 2) a descomposición e evolución da materia orgánica; 3) os ciclos bioxeoquímicos dos elementos; 4) a obtención de antibióticos; 5) o control biolóxico; 6) a degradación biolóxica de contaminantes: esterilización, biodegradación de contaminantes, biorremediación, fitorremediación, entre outros aspectos.