Proceso industrial de tratamento de residuos contaminantes baseado no uso de ferramentas biotecnolóxicas, co obxectivo de que sexan útiles para diversos usos industriais, por exemplo, para a produción de bioplásticos, electricidade ou outros tipos de aplicacións.

Estes tipos de procesos son obxecto de investigación para establecer os mecanismos e estudar a súa eficiencia, debido ás presións económicas, á opinión pública, ás medidas lexislativas de protección do medio ambiente e ás formulacións da economía circular.