Capa formada por unións Si=O constituíndo un poliedro de coordinación en forma de tetraedro (SiO₄⁴⁻). No momento da formación do mineral, átomos de outros elementos, xeralmente aluminio, poden substituír ao átomo de silicio na estrutura, dando lugar a substitucións isomórficas que son a principal orixe de carga eléctrica da lámina, que ten que ser neutralizada na estrutura do mineral. Estes tetraedros non se presentan nunca de forma illada se non que, combinándose entre eles e con outros ións, forman parte da estrutura básica dos silicatos. Segundo a maneira cómo se unan os tetraedros se orixinan os distintos minerais que integran as subclases de silicatos: nesosilicatos (tetraedros illados), sorosilicatos (pares de tetraedros ou combinación de pares e tetraedros illados), inosilicatos (cadeas de tetraedros sinxelas: piroxenos, ou dobres: anfíboles), ciclosilicatos (aneis de tetraedros), filosilicatos (láminas de tetraedros) e tectosilicatos (tetraedros que comparten todos os seus osíxenos).