Propiedade que presentan os compostos coloidais (cambiadores, minerais de arxila, óxidos de ferro) e orgánicos (ácidos fúlvicos, ácidos húmicos, entre outros) de adsorber ións de signo contrario. Exprésase pola cantidade máxima de carga positiva ou negativa que presenta o cambiador a un pH determinado e se corresponde coa cantidade de cmol_c por unidade de masa do cambiador (no solo no seu conxunto ou algún dos seus compoñentes coloidais). Os ións adsorbidos poden permanecer en estado intercambiable ou ben unirse ao cambiador de forma irreversible ou pouco reversible, en cuxo caso non están suxeitos ás leis de intercambio iónico.